Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3)(regs) bietjie van Gansbaai se sonskynweer kom geniet. Ernst het ook die Erediens waargeneem en interessante inligting oor die omstandighede in Rusland oorgedra.
Die NG-gemeente se Uitreikaksie het ‘n gesellige braai vir hulle gereël en daar is sommer heerlik saamgekuier. Die egpaar woon in die dorp Bolshoye ozero (“big lake” of “groot meer”) in Rusland. Ernst is reeds vir die afgelope 20 jaar die Sendingpredikant daar en praat vlot Russies. Hy het 5 jaar gelede met Betsie in die huwelik getree, wat daarna by hom aangesluit het. Hulle is ook ou bekendes in Gansbaai en dit was dus nie hul eerste besoek aan Gansbaai nie en onder andere het hulle gereelde kontak met dr Dawie en Alethea Pansegrouw van Franskraal.
“Woordverkondiging daar was voorheen byna makliker as deesdae, aangesien dit nou met veel meer beperkinge gepaardgaan,” het Ernst gesê. Daar is gretig na Ernst en Betsie se vertellinge en wedervaringe geluister, wat velerlei interessanthede opgelewer het. “Wat julle hier by julle as ‘koud’ bestempel, voel vir ons soos ‘n hittegolf,” het Ernst skertsend met verwysing na hulle weersomstandighede gesê.
Hardus Botha
Voor vlnr is Alethea Pansegrouw, ds Ernst en Betsie Toerien van Rusland met hul dogtertjie, Nadja op haar skoot, dr Dawie Pansegrouw en ds Dirk van Dyk. Agter vlnr is Marina van Dyk, Daan en Martie Victor, Amanda le Roux, Anita Botha, Dawie le Roux en Elcine en Johan Hulme.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Die afgelope naweek het Academia teen Swartberg Sekondêr rugby, netbal en sokker gespeel.
“Dit is met groot dankbaarheid dat ons kan terugkyk na ons NG Kerk basaar wat verlede Saterdag plaasgevind het,” sê Petrus du Preez, sameroeper van die basaar.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
