Gansbaai Courant

Blog: BARC red Rooi Valkie

Published: 29 November 2012
By:Hardus Botha

'n Oproep van Gert van Silwerjare aan Philip Schreck, BARC se Veldwagter, het onlangs 'n tweede Rooi valkie van 'n gewisse dood in Blompark gered. Gert het aan Philip gesê dat kinders die valkie aan 'n tou vasgemaak het om hom te laat vlieg. Philip het summier gereageer om betyds die valkie te red. Aanvanklik was daar drie van die valkies. Een is ook betyds deur Philip gered en hy het die valkie met 'n beseerde vlerk na dr Liesel Trollope geneem. "Die derde valkie was egter nie so gelukkig nie. Toe die kinders sien dat hy nie wou vlieg met die tou om sy been nie, het hulle hom met klippe doodgegooi en hy kon nie gered word nie," vertel Philip. Ouers en lede vanuit die gemeenskap word versoek om voortdurend te let op hierdie tipe van onnodige wreedhede teenoor diere en voëls. Vir enige navrae en/of skenkings/donasies kan Annalie Jonker by 028-384-1740 of 082-826-0631 geskakel word. Vir diere-probleme, die aanneem van diere of wreedhede teenoor diere, kan Phillip Schreck (Veldwerker) by 083-742-3903 geskakel word.

Hardus Botha

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...