Gansbaai Courant

Blog: Man met Dagga en Mandrax betrap

Published: 05 September 2013
By:A/O CW le Roux, SAPD Gansbaai

Konstabel H. Marais en Konstabel L. Kholoane het ‘n woning te Tshwetestraat, Masakhane deursoek nadat inligting vanaf die publiek ontvang is dat daar dwelms by die betrokke huis versteek word.  Met hul aankoms by die huis het hulle 'n mansperson teëgekom en aan hom die doel van die deursoeking verduidelik. Die man is deursoek en een stop dagga is in sy besit gevind. Hy is toe gearresteer. Die woning is verder deursoek. Terwyl die lede besig was met die deursoeking wou die verdagte vlug. Hy is egter voorgekeer en verhoed om te vlug.   Die lede het hom toe gevra waarvoor hy dan wil weghardloop aangesien hy maar met een stop dagga gearresteer was. Hy het toe aan die lede erken dat daar nog dwelms versteek was in die woning. Verdere ondersoek is ingestel en daar is toe op ‘n versteekte kompartement in die muur afgekom. Drie sakkies dagga en tagtig stoppe dagga is uit die versteekte kompartement gehaal. Daar was ook twee en ‘n halwe Mandrax tablette. Die verdagte het alreeds in die hof te Hermanus verskyn vir die besit van dwelms. Hy is die 43 jarige  Zanemvula Dlova van Masakhane.


Polisie slaan toe


Gedurende die naweek van 16 -18 Augustus, het die plaaslike polisie verskeie optredes in die omgewing geloods wat gelei het tot verskeie arrestasies. Drie persone is weens dronkbestuur aangekeer en drie persone is weens die besit van dwelms aangekeer. Sewe en negentig persone is vir geringe oortredings aangekeer en beboet. Daar is ook beslag gelê op ‘n vuurwapen wat een van die verdagtes wat aangekeer was weens Dronk bestuur, by hom gehad het.  Die Stasie Bevelvoerder , Lt-Kolonel M.M. Adonis sê daar sal in die toekoms nog verskeie optredes geloods word.  
A/O CW le Roux, S A Polisiediens, Gansbaai

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...