Gansbaai Courant

Sindikaat prokureur aangekla

Sindikaat prokureur aangekla

Gansbaai Courant

 


 

Die prokureur, Anthony Broadway (regs) saam met die ondersoekbeampte van die Hawks se Finansiële en Batebeslag-leggings Eenheid, Deon de Jager, tydens die borgaansoek.

Die verhoor van die beweerde “Barends” sindikaat het ‘n dramatiese wending geneem met die arrestasie van die prokureur, Anthony Broadway. Sy prokureursfirma was betrokke by die verteenwoordiging van die groepering gedurende die periode wat hulle bedrywig was.
Anthony Iver Broadway het in sy borgtogaansoek aangevoer dat hy nie ‘n vlugrisiko is nie. Volgens sy aansoek is hy ‘n Suid-Afrikaanse burger wat al oor ‘n lang tydperk as prokureur in die Wes-Kaap praktiseer. Hy het onderneem om nie enige staatsgetuies te kontak nie. Hy het in sy aansoek daarop gewys dat sy vervreemde vrou in die Verenigde Koninkryk bly en dat hy ‘n 18-jarige dogter en 8-jarige seun het wat onderhoud van hom ontvang. Volgens hom is hy daarvan bewus dat hy vir die volgende 5 jaar in howe sal moet veg en dat hy dit slegs met goeie regsverteenwoordiging kan doen. Hy sal dus by die Regsvereniging moet aansoek doen om verder as prokureur te praktiseer om inkomste te genereer. Volgens sy borgtogaansoek gaan hy onskuldig pleit en ervaar hy tans erge vernedering en verleentheid. Die hof het borgtog van R250 000 toegestaan. 
Volgens hofdokumente word Broadway as, aangeklaagde 30,  by die rampokkery perlemoensindikaat gevoeg. Hy word onder andere aangekla op verskeie klagtes van geldwassery, bedrog, versuim van registrasie by FIC (Financial Intelligence Centre), hulp aan ander om voordeel te trek uit opbrengste van kriminele aktiwiteite asook die versuim om suspisieuse of ongewone transaksies aan FIC te rapporteer. 
Die staat beweer ook dat Broadway sy prokureurstrustrekening gebruik het om opbrengs van misdaad tussen beleggers en Barends se besigheidsrekening te skuif. 
Die 30 aangeklaagdes van rampokkery sal op 12 April vir ‘n voorverhoordatum in die Hooggeregshof in Kaapstad verskyn. Prokureur Broadway is reeds by die groep gevoeg. Drie van die groepering het reeds skuldig gepleit en dien tans gevangenisstraf uit. Die vermeende Chinese meesterbrein, Ran Wei, is egter steeds op vrye voet en word internasionaal deur Interpol gesoek. Die groepering staar saam 590 klagtes in die gesig. Daar word verwag dat die verhoor etlike jare kan duur.                     
Francois de Jongh



 

Sindikaat prokureur aangekla

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant