Die huidige AGS Gansbaai Aanbiddingsentrum is in 2006 gebou.
“AGS staan vir Apostoliese Geloofsending van Suid-Afrika. Die AGS bestaan sedert 1908 en is die eerste en grootste Pinksterkerk in die land, met 1,4 miljoen lidmate in Suid Afrika en tans gevestig in 28 lande van die wêreld. Pinkster beteken dat dit 'n kerk is wat glo die Gees van God aan gelowiges gegee word om dinamiese en oorwinnende lewens te lei. Dit impliseer ook dat gelowiges die karakter, liefde en krag van hul Here, Jesus Christus, in hul daaglikse lewens kan demonstreer.
Die AGS kan deur twee onlosmaaklike kenmerke onderskei word: Die doop in die Heilige Gees en die Groot Opdrag [Mat. 28:19]. Ons het die Heilige Gees en Sy krag ontvang om missionaal te wees (Hand 1:8). Daarom verwys ons na ons gemeentes as apostoliese gemeenskappe en ons lede as apostoliese agente. Ons poog om ons hele kerk te inspireer en te mobiliseer om die hele evangelie na die hele wêreld te neem.
Die begeerte van die AGS is om ons samelewings te versadig met die teenwoordigheid van God en die beginsels van Sy Koninkryk. Ons uniekheid lê ook in ons diversiteit en akkommodasievermoë. Nie net is ons 'n mikrokosmos van ons diverse samelewing nie, iewers in ons 1800-plus plaaslike kerke sal jy 'n geestelike tuiste vind waar jy deel van die familie sal voel.” Dr H.J. Weideman (President van die AGS - Suid Afrika)
Die missie van die AGS Gansbaai Aanbiddingsentrum is om God te verheerlik en die gemeente te bou op die volgende steunpilare:
“Jesus ons aas - siele ons vangs”
AGS Gansbaai Aanbiddingsentrum se leier is Pastoor Emilia Swanepoel.
Pastoor Emilia Swanepoel:
Pastoor Emilia is 'n boorling van Gansbaai. Sy het 'n sterk administratiewe agtergrond en is bykans 35 jaar reeds in voltydse bediening betrokke landwyd, sowel as internasionaal. Haar hart is om mense te bedien en om nuwe hoop aan mense op alle vlakke van die samelewing te bring met die boodskap van Jesus Christus.
Pastoor Emilia het gestudeer by VEK Berea Teologiese Kollege, sowel as AGS Teologiese Seminarium Aucklandpark.
Na 23 jaar is sy weer terug in Gansbaai waar sy begin het.
Aan haar sy bedien haar dogter Pastoor Lee-Ann Swanepoel. Saam is hul 'n goeie span en het ''n hart om 'n verskil en Impak in Gansbaai te maak.
AGS Gansbaai Aanbiddingsentrum se diens tye en aktiwiteite is as volg:
Sondag:
Dinsdag:
Vrydag:
AGS Gansbaai Aanbiddingsentrum waardeer jou finansiële ondersteuning!
Bank Besonderhede:
Sondag, 02 November 2025 om 09:00, bedien Henry Pike by AGS Gansbaai Aanbiddingsentrum. Almal is welkom. ...
Hierdie Sondag, 12 Oktober 2025 om 09:00 bedien Pastoor Lee Miley by ons al die pad van Amerika. Almal is welk...
