Gansbaai Courant

Blog: Bejaardes was Stemopgewonde

Published: 08 May 2014
By:Hardus Botha

Die bejaardes van Herberg-aan-See (HaS) was behoorlik “stemopgewonde” tydens die spesiale stem-geleentheid vroeër die week, kort voor verkiesingsdag op Maandag, 5 Mei 2014. Die ontspanningsaal in die Tehuis was volgepak en almal het ewe opgewonde gelyk om in die eetkamer te gaan stem, waar Francia van Dyk van die OVK en haar helpers en die polisie seker gemaak het die stemmery verloop binne wetlike voorskrifte. Bykans 40 geregistreerde stemgeregtigde inwoners van die Tehuis het hul stemme uitgebring, met die res van hulle wat op stemdag persoonlik sou gaan stem het.

Wilhelmina Hendrina Sadie (Winnie) Steenkamp (93) van HaS was die oudste geregistreerde kieser wat seker gemaak het haar stem gaan ‘n bydrae lewer. Sy is op 12 Oktober 1919 in Hopefield gebore, waar sy ook grootgeword het. Sy het haarself in ‘n verplegingsloopbaan gekwalifiseer en is vir die afgelope 4 jaar ‘n inwoner by HaS.

Hardus Botha

Foto 1: Winnie Steenkamp (93) was die oudste geregistreerde kieser in HaS wat haar stem tydens ‘n spesiale stemgeleentheid uitgebring het

Foto 2: Drie van die 40 geregistreerde kiesers in HaS wat opgewonde hul beurt om te stem afgewag het, met vlnr Christine Jordaan (87), Smittie van Rensburg (87) en Sylva van Zyl (91)

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...