Gansbaai Courant

Blog: Kinders wat kinders help

Published: 08 May 2014
By:Hardus Botha

 “My projek vir Acting Hope is Onderwys en Opleiding vir Acting Hope (Kinders wat kinders help), met die fokus op gemeenskapsprojekte en ek geniet dit wat ek doen terdeë,” vertel Marenique van Wyk (14). Sy is ‘n Gr 8 leerder aan die Hoërskool Stellenberg en haar ouers, Nic en Cornel van Wyk van Durbanville besit ‘n strandhuis in De Kelders. Marenique het besluit om haar projek tydens hulle vakansie hier prakties toe te pas. Sy het etlike teddiebere (Jesus teddiebere) in Gansbaai by een van die speelparke kom uitdeel, asook lekkergoedpakkies met briefies daarin aan die sowat 20+ kinders wat opgedaag het. Groot opgewondenheid het onder die kinders geheers, wat elk ‘n splinternuwe teddiebeer ontvang het. Marenique sê sy het reeds sowat 400+ teddiebere op hierdie wyse uitgedeel wat vir vele dankbare kinderhartjies gesorg het. Haar internet bewoording lui soos volg: “Through my involvement with community projects in 2013, I realised that education, self awareness and sustainability are the stepping stones for children to be happy and balanced in today’s society. The projects I am aiming to do this year will help children to attend school and allow them to reach their full potential. This will be done by providing opportunities for them to learn new skills, also giving them stationary and other equipment needed for effective teaching.” Dit is egter nie net vir die uitdeel van teddiebere nie. Marenique is ook ‘n Wes-Kaapse finalis in die Miss Teen International South Africa, wat ook deur Acting Hope gereël word. Die finale kompetisie vind in September vanjaar plaas, wat met die wêreldwye uitdunne sal saamval. Acting Hope is in 2013 deur Ingrid Burger gestig, nadat sy in 2004 van Engeland af na Suid-Afika teruggekeer het. “There are so many broken dreams, broken hopes and children in our society, and very often these children don’t receive any help due to the costs involved in giving then therapy. This is where the idea of Acting Hope started.

Hardus Botha

Foto 1: Marenique van Wyk, Wes-Kaapse Mej Tiener finalis, sit hier tussen ‘n deel van die kinders wat almal ‘n teddiebeer en ‘n pakkie lekkergoed vir haar gemeenskapsprojek in Gansbaai ontvang het

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...