Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Sewe bote van Gansbaai se Pelagiese vissersvloot het Maandagaand uitstekende vangste gemaak. Die vloot het sowat 3 seemyl voor De Kelders hul nette in 18 faam water gegooi en 'n groot skool ansjovis aangekeer.
Mike Germishuys se Edelweiss het 'n maksimum vrag van 130 ton aanboord geneem terwyl die kleiner Kolgans van Piet Otto, 115 ton geskep het. Kolgans se net het weens die gewig geskeur en so ook dié van, van die ander bote.
Die vangste is Dinsdag tot vismeel en visolie verwerk en die dorp het, soos die ou Gansbaaiers sê, na geld geruik. Die skippers verwag om Woensdag weer uit te vaar en die hoop bestaan dat die skole ansjovis steeds in die Baai sal bly.
Francois de Jongh
Foto 1: David Baartman en Derrick Mahlonti by Edelweiss se vol vrag.
Foto 2: Jan Human, Johan (Visgees) Marais, en Apie van der Raath besig om Kolgans se geskeurde net te boet.
