Die vyeboom boorinsek, Longhi Horn Beetle, wat tans groot skade aan vyebome aanrig kan nie met "Insecticide Granules" behandel word soos vroeër berig is nie. Die inligting wat in dié verband professioneel aan die Courant verskaf is, was nie korrek nie.

Dié insekdoder kan volgens 'n verteenwoordiger van Efekto onder geen omstandighede vir eetbare gewasse aangewend word nie. Volgens hom kan dit egter wel aanbeveel word vir alle suigende insekte op plante en struike maar is sistemies en dus nie geskik op eetbare gewasse nie.

Daar is volgens Efekto se woorvoerder tans geen produk beskikbaar vir hierdie boorinsek nie.

Francois de Jongh

Foto 1: kewerstadium

Foto 2: larwestadium