Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Nou ja, daar is geen opwindende hengelnuus nie, nie vir die bote nie, asook wat die manne met die lang stokke betref. In die vorige rubriek het ek die voorspelling gewaag dat hierdie situasie nie lank gaan aanhou nie, en ek voel nog steeds so. Ek grond my bevinding nie soseer op my optimisme nie en ook nie op die huidige weersomstandighede nie. Selfs nie oor wat in hierdie komende maand die afgelope jare gevang is nie, maar op die volgende: Daar is geen manier dat die weer dieselfde gaan bly nie, dis amper volbloedwintertyd, en dís die weer wat die verandering gaan bring. Dan is daar nog “Murphy’s law” wat beteken dis tyd daarvoor, in elk geval!
Hierdie week die eerste van ‘n aantal plasings oor wat in ‘n sekere maand die afgelope jare gevang was.Dit sal aan die einde van elke maand verskyn en ‘n aanwysing vir die volgende maand bevat. Hou in gedagte dat dit nie beteken dat die vangste (in hierdie geval, Juniemaand) weer sal ooreenstem nie. Dit dui egter aan wat moontlik is, en soos gesien kan word, die verskeidenheid vis is genoeg vir lippe aflek. Die weer moet net saamspeel.
Daar word wel heelwat jong makriel gevang. En gerook, wie gaan kla?!
Opsomming JUNIE 1999-2013
2000. Geen rekord (Junie)
2001. Haai, baie kabeljou en geelbek
2002. Geelbek, haai, kabeljou, roman, hotties, PW, 1 makriel!
2003. 1 stokvis!! Hotties, snoek, geelbek, kabeljou, roman, baie makriel, mooi elwe.
2004. Kabeljoutjies, hotties, paar mooi geelsterte, roman, PW’s. (Paar ander bote vang paar bakke geelstert). Baie oulywe. Redelik geelbek. Elf.
2005. Haai, ondermaat silwervis. Elf, hotties, roman. *Wintergeelbek gee (normaalweg) pad na Moddergronde en dieper.
2006. Klein kabeljoutjies, 1 geelbekkie, paar silwervisse, haai, roman.
2007. Mooi PW’s. Roman, hotties, paar elwe. 1 ondermaat geelbekkie.
2008. Vangste swak. Klein vis.
2009. Paar geelbekke. Hotties, PW’s, haai, 1 witsteenbras (8,1 kg.), kabeljou. *Geelstert word by Eiland gevang.
2010. Roman, hotties, haai, snoek, makriel, silwervis.
2011. Makriel, oulywe.
2012. Hotties, silwervis, kabeljoutjies, haai, elf, snoekies.
2013. Hotties, roman, haai, 1 geelbek, silwervis.
Lekker vang, Seemeeu
