Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
‘n Pragtige groot, ligbruin boerboel het op Dinsdag, 3 Junie 2014 deeglik kennis gemaak met die uitdrukking: “Slim vang sy Baas”. Die goed versorgde hond het vermoedelik rondgedwaal op soek na kos en Burmar Civils Engineering in die Industriële gebied se gronde betree. Daar het hy op ‘n steen-geboude vullishok, “General Waste”, afgekom en doodluiters ingespring agter die reuk van die sakke aan. Wat Meneer nie geweet het nie, is dat die draaddeksel met ‘n houtpaal reggop gehou word…wat hy toe per abuis moes afgestamp het en die deksel het toegeklap…met hond-se-kind daarbinne. Louis van Schalkwyk het die toeklap van die deksel gehoor en ondersoek gaan instel. Die hond, wat waarskynlik verbouereerd in die hok gevoel het, het aggressief voorgekom en BARC is geskakel. BARC se Veldwagter, Antonie Jordaan en Gavin Hughes het tot die hond (of dalk die omstanders?) se redding gekom. Gavin moes van ‘n vangstok gebruik maak, aangesien die hond nie rustig wou raak nie. Die hond is na BARC se hokke geneem en het heel rustig voorgekom. Een van die werknemers, Piet Otto het Gansbaai Courant geskakel. “Minstens haal die hond die Courant,” was een van die werknemers se opmerking. Kort voor die ter perse gaan van hierdie berig, het Antonie laat weet dat die hond se eienaars hom dieselfde aand by BARC se hokke kom afhaal het.
Indiese Ringnek: ‘n Pragtige Indiese Ringnek wat onlangs in die omgewing van Hoofweg 49, De Kelders gevang is, is in BARC se besit. Die eienaar van dié voël kan by BARC in hierdie verband navraag doen. Vir navrae en/of skenkings/donasies kan Annalie by 082-826-0631 geskakel word, of stuur ‘n e-pos aan haar by maynestay@axxess.co.za. Vir diere-probleme en/of die aanneem van diere, kan Antonie Jordaan (Veldwerker) by 083-742-3903 geskakel word.
Hardus Botha
Foto 1: Gavin Hughes van BARC is besig om die hond versigtig met ‘n vangstok uit die steen-vullishouer te laat klim, waarna dit in die bakkie gelaai is
Foto 2: Die pragtige Indiese Ringnek wat aan BARC besorg is en na sy eienaar op soek is
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...