Gansbaai Courant

Blog: Pinksterweek

Published: 12 June 2014
By:Hardus Botha

Vanjaar se tema vir die jaarlikse Pinksterdienste was “Die werk van die Heilige Gees in ons Lewe”. Voortspruitend daaruit was enkele insiggewende sub-temas wat om die beurt deur dr Bobo van Zyl, ds Dirk van Dyk en dr Liesel Joubert aangebied is: Die Heilige Gees en die gemeenskap van die gelowiges; Die Heilige Gees en ons heiligmaking; Die Heilige Gees en ons regverdigmaking; Die Heilige Gees en ons roeping (God roep my; God roep die Kerk); Die Heilige Gees en volharding.

Die bekende NG Kerkkoor onder leiding van Aletta Lochner en met orrelbegeleiding deur Annelene Reinke, het tydens twee geleenthede die pragtige Paaslied, “Kom Heilige Gees”, gesing. Die week se offergawes was ten bate van die Bybelgenootskap van Suid-Afrika. Die Pinkstermaal is begin met eg-kinderlike sang deur Laerskool Gansbaai se Gr 1 en Gr 2 leerders, onder leiding van Alana Louw en met klavierbegeleiding deur Jeannette Pretorius.

Pinksterweek is met Sondag se Pinksterdiens deur dr van Zyl met die boodskap, “Die begeerte om ‘n beter Christen te wees”, afgesluit.

Hardus Botha

Foto 1: Die Gr 1 en Gr 2 leerders van Laerskool Gansbaai met hulle pragtige kooroptrede tydens die NGK-gemeente se Pinkstermaal verlede Vrydagaand

Foto 2: Samesyn na afloop van Pinksterweek tydens die gebruiklike Pinkstermaal met verskeie soppe en brood  wat deur  die Uitreikaksie aangebied is

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...