Gansbaai Courant

Nuutste oor BBos pad opgradering

Nuutste oor BBos pad opgradering

Gansbaai Courant

Mannie van Eeden, Hoof: Paaie Divisie, Overberg Distriksmunisipaleit het op verskeie klagtes oor die padwerke na Baardskeerdersbos gereageer. Met verwysing na ‘n vergadering te B’Bos, sê hy dat die verbreding van die heuwelgedeelte eerste prioriteit geniet.

“Ons het ook op die gedeelte wat verweer het, gefokus en dit is reeds gekompakteer,” sê hy. “Ongelukkig was die voggehalte van die materiaal steeds baie hoog, maar daar is wel met die werk voortgegaan.”

Hy sê ook dat dit ‘n baie gladde padoppervlak tot gevolg het en dat spoedbeperkings- en waarskuwings-tekens oral aangebring is en van krag sal wees totdat die toestand van die pad verbeter het. “Indien dit weer reën, sal die pad wel gebruik kan word, maar motoriste moet kennis neem dat dit baie gevaarlik kan wees en versigtigheid moet deurgaans aan die dag gelê word.” Hy beveel die Avoca-pad aan vir wanneer dit reën. “Die gemeenskap kan seker wees dat alles moontlik gedoen word om die pad so veilig as moontlik te hou, maar ons kan nie teen die natuur veg nie.”

Helena Swart van Baardskeerdersbos verwys ook in ‘n skrywe aan Gansbaai Courant na die gevaarlike aspekte rakende die pad, soos die swak toestand daarvan, swaar masjienery en vragmotors waarvoor motoriste op die uitkyk moet wees. Sy beveel aan dat die pad vermy moet word en dat motoriste op pad na Stanford en Hermanus die ompad via Papiesvlei moet gebruik, maar steeds versigtig moet wees wanneer dit reën. “Ons sal geduldig moet wees, al is daar groot begrip vir B’Bossers wat daagliks in-en-uit moet ry, aangesien die onvoorsiene weersomstandighede sake erg bemoeilik,” sê sy.

Die volgende vergadering rakende die padkonstruksie is vir 20 Augustus 2014 om 12:30 in die Strandveld Pub te Baardskeerdersbos geskeduleer.

Hardus Botha

Nuutste oor BBos pad opgradering

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant