Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Letterlik skaapkoppe by dosyne - dit is nou nie die gaste nie, maar die skaapkoppe wat vir die jaarlikse Skaapkopete voorberei is.
Die geselligheid het op Saterdag, 16 Augustus 2014 te Uijlenes van Flippie en Staci Groenewald plaasgevind. Die 100 skaapkoppe is geurig (vir diegene wat daarvan hou!) deur die Swellendam Skaapkopgilde voorberei en gaargemaak. Johan van Dyk het as seremoniemeester opgetree en kon nie genoeg met die Blou Bulle simpatiseer nie, met ds Dirk van Dyk wat die verrigtinge met gebed geopen het. Naas die skaapkoppe, is daar ook kerrie-afval, skaapskenkels en gevulde hoenderfillet te ete aangebied.
Manie Groenewald, met sy bekende sangitems en sy Baardskeerdersbos se orkesmanne het verdere luisterrykheid aan die byeenkoms se 300+ gaste verleen.
‘n Veiling ten bate van Baardskeerdersbos se NG-gemeente is ook gehou, met Cornie Swart se “afslaer-stem” wat die bieërs deeglik aangemoedig het met B’Bos se Witblits-legendes. Per bottel is die volgende pryse behaal: R800 (witblits), R1,000 (heuning witblits), R500 (2 x witblits), R800 (grenadella witblits + gewone), R1,100 (kersie witblits + gewone) en ‘n volle R400 vir ‘n bossie fynbos wat normaalweg R80 kos! Dan was daar geluktrekkings met pryse vir elke ete-kategorie.
“Ons is baie dankbaar vir elke sent wat ons gemaak het, veral met die suksesvolle veiling, maar veral ook teenoor almal wat die aand so pragtig ondersteun het en dit bygewoon het,” sê Marietta Uys, een van die organiseerders. “Ons is ook dankbaar teenoor Flippie en Staci Groenewald vir hulle moeite met De Uijlenes se venue wat hulle beskikbaargestel het.”
Met die etery was dit weer eens ‘n belewenis om te aanskou: manne met knipmesse, kleinbyltjies en jagmesse - met agterna blink gesigte van die geurig-voorbereide skaapkoppe, om nie te praat van ‘n paar wat eers hul skaapkoppe gesoen het nie!
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...