Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Baardskeerdersbos se oudste inwoner, Enna Groenewald (96), het op 16 Augustus vanjaar ‘n permanente inwoner van Huis Breda in De Kelders geword. “Behalwe vir die gewone probleempies, verkeer Tannie Ena nog in goeie gesondheid en kan spog met ‘n helder verstand,” vertel Eva Büchner van Huis Breda. “Sy het selfs by twee inwoners verbygestap wat met ‘n blokkiesraaisel geworstel het en toe sy hoor waar hulle vassteek, het sy die antwoord vir hulle gegee.”
Enna en haar tweelingsuster, wyle Henna Groenewald, is op 17 Junie 1918 te Baardskeerdersbos gebore en het hulle hele lewe daar gewoon. Wyle Henna is op 92-jarige ouderdom op 25 September 2010 oorlede en sedertdien is Enna die enigste oorlewende van ses kinders. Die tweeling is gereeld by verskeie geleenthede en funksies te Baardskeerdersbos betrek en was onder andere eregaste tydens die openingsfunksie van die Baarskeerdersbos se Gemeenskapsaal. Hulle het ook die waterkrane oopgedraai met die inwerkingstelling van Baardskeerdersbos se eerste kraanwater. Hulle vader, wyle Barend Groenewald, was ‘n ambagsman en ook Baardskeerdersbos se ystersmid.
In 2013 het Enna gesê sy verlang terug na haar kitaarspelery saam met haar pa wat altyd op die orreltjie gespeel het. Toe besluit sy op 95-jarige ouderdom dat sy graag weer kitaar wil speel en Carel van der Merwe van B’Bos het van Gansbaai Courant gebruik gemaak om vir haar ‘n tweedehandse kitaar in die hande te kry. “Ek is dankbaar vir die groot mate van gesondheid waarin ek verkeer en ek beskou myself as ‘n ‘Loslappie’ in die Tehuis,” sê sy, terwyl sy heerlik lag waar sy rustig in die sonnetjie sit.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...