Bill Clarke van McClarke’s Selfcatering Units het op 3 September sy 90ste verjaardag gevier, en hy lyk nog soos toe Gansbaai Courant in April 2001 ‘n profiel oor hom gedoen het.

Bill is op 3 September 1924 in Kalkbaai gebore, waar sy pa snoekvangstes teen 2½ pennies per snoek verkoop het. Op 14-jarige ouderdom moes hy die skool verlaat en begin werk om die gesin te help onderhou…..teen 10 sjielings per dag as “Page Boy” by die Majestic Hotel. Op sy 15de verjaardag het die Tweede Wêreldoorlog uitgebreek en het hy later van tyd ‘n ten volle opgeleide soldaat geword. Hy is ook na Egipte gestuur waar hy hom by die 43ste Ligte Lugafweer Regiment aangesluit het. In 1972 tree hy met Marina Nowers in die huwelik en in 1992 verhuis die egpaar na Gansbaai. In 1993 koop hulle Ciro’s Restaurant, wat hulle in 2004 weer verkoop. Intussen het hulle reeds in 2003 met McClarke’s Selfcatering Units begin, met Marina se voorletters as die eerste twee letters. Bill verkeer nog in uitstekende gesondheid en is nog net so bedrywig soos altyd

 Hardus Botha

Zoom