Gansbaai spog met ‘n Potspel-skeidsregter wat met Springbokklere vereer is. Dit is niemand anders nie as Tanya Smit (28), een van die Gansbaai Administrasie van die Overstrand Munisipaliteit se Hoofklerke. Tanya het sowat 5 jaar gelede met die sport Potspel (“Pool”) begin, maar 3 jaar gelede as skeidsregter gekwalifiseer. Sy het besluit dat dít eintlik is waar haar liefde vir die spel gesetel is. Tanya dien as skeidsregter vir Western Province Country Region (WPCR). Sommer in haar eerste jaar as skeidsregter is Tanya tydens ‘n SA Toernooi in 2012 as “Skeidsregter van die Toernooi” aangewys, wat ‘n groot prestasie was.

Nou is sy met Springbokklere as Potspelskeidsregter vir WPCR in die Wes-Kaap vereer en die gemeenskap kan sommer baie trots wees op haar.

“Ek en al haar kollegas is baie trots op haar en wens haar baie strekte toe in hierdie posisie,” sê mnr Kat Myburgh, Areabestuurder van die Gansbaai Administrasie van die Overstrand Munisipaliteit.

Hardus Botha

Zoom