Gansbaai Courant

Pistoolklub 2015 gereed

Pistoolklub 2015 gereed

Gansbaai Courant

 “Ons Algemene Jaarvergadering het goed afgeloop en met die nuutverkose Bestuur wat verkies is, is ons weer gereed vir ‘n nuwe jaar,” sê Alec Kitley, voorsitter van Gansbaai Pistoolklub. Hy het ‘n volledige voorsittersverslag aan die lede voorgehou, waarin etlike sake van belang uitgelig is.

Gansbaai Pistoolklub is nie net op die skietbaan bedrywig nie. Hulle beman steeds die waterpunte tydens die Gansbaai Lionsklub se jaarlikse Danger Point Halfmarathon in Desember, asook die Lighuis na Lighuis Bergfietstydren in Februarie. Dan het hulle ook ‘n waterpunt beman tydens die SAPD-staptoer in April vanjaar. “Ons jaarlikse Valentynsdag-skiet in Februarie was ‘n groot sukses wat vele pret en genot opgelewer het,” sê Alec. “En goeie samewerking deur toegewyde lede sorg daarvoor dat die terrein en gebou in ‘n goeie toestand gehou word.”

Die nuutverkose Bestuur is Alec Kitley (voorsitter), Andy Hammond (ondervoorsitter), Corien de Wet (sekretaresse) en Cathy Hammond (tesourier), saam met addisionele lede Adri Wessels, Steve Cilliers, Stoney Steenkamp, Frans de Wet en Dirk Ackerman. Cathy Hammond herinner almal aan die klub se Ope Dag op 8 November 2014 vanaf 08:30 tot 16:00, teen slegs R20 per persoon wat koffie, tee of koeldrank insluit. Sy verwys ook na hulle jaarlikse prestasietoekennings op 29 November 2014, waartydens die beste skuts vir die jaar met trofeë en sertifikate beloon gaan word. Op 6 Desember 2014 sal daar gesellig met ‘n jaarafsluitingsfunksie verkeer word, met die klub wat weer op 3 Januarie 2015 sal heropen.

Die klub is op 10 Februarie 1994 gestig, met Alec wat sedertdien as voorsitter dien. Belangstellendes in die op-en-wakker pistoolklub van Gansbaai kan inskrywingsvorms en relevante inligting by Gansbaai Toerisme gaan afhaal. Die klub se oefentye onder die wakende oog van hulle ervare voorsitter, is elke Saterdagoggend vanaf 08:00 tot ongeveer 10:30 en kinders met windbukse is eweneens welkom.

Enige navrae kan aan ondervoorsitter Andy Hammond by 028-384-2062 gerig word, of skakel voorsitter Alec Kitley by 028-384-0335 of 083-379-2275.                                                

Hardus Botha

Pistoolklub 2015 gereed

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant