Gansbaai Courant

100 Jaar Jonk

100 Jaar Jonk

Gansbaai Courant

Kyk mens na die meegaande foto, is dit moeilik om te glo dat Dalene Nieuwoudt ‘n 100 jaar gelede op 4 November 1914 te Hanover gebore is, waar sy ook opgegroei het.

Die nooi Theron is in 1941 met Tielman Nieuwoudt in die huwelik bevestig en twee seuns en ‘n dogter is uit die huwelik gebore. Sy het 8 kleinkinders en 9 agterkleinkinders. Na die egpaar se aftrede het hulle by hulle dogter, Charlene le Roux en haar eggenoot, Nico, op hulle plaas by Franschhoek gaan woon. Sedert 2001 het Tielman en Dalene in Mosselbaai gewoon. Intussen het Nico en Charlene in Kleinbaai kom aftree en ná Tielman se afsterwe in 2011, het Dalene by hulle in Kleinbaai kom woon, waar sy haarself steeds bevind.

“Sy kuier so van tyd tot tyd by my broers wat onderskeidelik in Hartenbos en Beaufort-Wes woon,” vertel Charlene. “Haar gesondheid en geheue is nog goed, alhoewel sy nie meer so beweeglik is nie en die gehoor is ook nie meer goed nie, maar sy brei steeds allerlei goedjies vir basaars.” Op Saterdag, 8 November het die familie en ‘n paar vriende vir ‘n feestelike samekoms in die NG-gemeente se Kleinsaaltjie gesorg. Charlene sê almal, behalwe 3 kleinkinders, was teenwoordig.

Dalene het agter ‘n pragtige versiering, wat “100” uitgebeeld het, ingeskuif om haar ereplek tydens die verjaardagpartytjie in te neem. Stilsit en na almal sit en loer? Nee, nie sy nie. Sy het nog aan almal etlike humoristiese staaltjies uit die verlede vertel.

Hardus Botha

100 Jaar Jonk

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant