Gansbaai Courant

Hulle is maar daar

Hulle is maar daar

Gansbaai Courant

Die boodskap hierdie week verskil nie veel van verlede week s’n nie, behalwe dat daar darem groter kabeljoue gevang word. Hoewel daar nie gesê kan word dat jy vir seker jou vis gaan vang nie, juis omdat hulle nog nie rêrig hul opwagting gemaak het nie, is daar nie veel ander keuses nie en jou kanse bly goed om ‘n kabeljoutjie te vang. Maar jou lyn moet in die water wees!

Watter wind wanneer moet waai en wanneer jy die vis kan verwag is deur.’n Hardebaard só uitgelê: wanneer die suidoos waai, word die water koud en die warmer water word dan deur ‘n sterk wind kant toe forseer --  dis dan ook waarheen die vis sal gee pad. Indien daar rowwe water betrokke is word die vlakker water beiinvloed deurdat plante ens. losgemaal word en dít weer laat die water verkleur en dis waar ons vir ta gaan aantref. Westewind weer veroorsaak warmer water en die vraag kan dan gevra word, indien die water dan oral warm is, waarom gaan die vis moeite maak om kant toe te kom? Onthou, aan die kant is waar die bamboes is en dis hier waar die geelbek, maar veral die kabeljou  verkies om te wei. Vroeg in die jaar, na hulle heelwat amok gemaak het en met die aankomende winter en die gevolglike kwaai en koue water aan die kant gee hulle pad dieper in. Dan is dit tyd om hulle dieper te gaan vang.Die tegniek verskil heelwat afhangende of jy vanaf ‘n boot gaan vang en of jy met ‘n lang stok sit en van die kant af probeer. Somtyds doen jy albei, en sal jy weet wat ek bedoel! Veral indien jy van ‘n amperbootjie gebruik maak is jou kanse soveel beter en die rede is dat jy op die vlakker vangplekke kan kom  --  onthou dis juis hier waar hulle wei.

‘n Groter boot is weer ‘n ander storie en slegs as jy jou storie ken sal jy kan saampraat met die kleiner boeties. Een feit wat jy maar in gedagte kan hou is net omdat jy ‘n groter vis teiken dit nie beteken dat jy noodwendig van ‘n baie dik nylon en ‘n groot hoek gebruik moet maak nie. Dis ‘n bekende feit dat vis normaalweg ligter gereedskap verkies. Probleem is egter dat met die ligte gereedskap jy baie vis aankry, maar ook baie verloor! As jy die dag nie suksesvol is nie, probeer gerus die ligter gereedskap en kyk wat gebeur. Moet my net nie blameer vir die vis wat wegkom nie!  Die swaarder geelbek kan dalk ander tegniek vereis. Laat weet asb. of daar ‘n verskil is. 

Groete, Seemeeu

Hulle is maar daar

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant