Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Te oordeel aan enkele navrae wat deur Gansbaai Courant gerig is, wil dit voorkom asof besoekersgetalle vir die Feesseisoen belowend lyk. “Gansbaai Karavaanpark het vanjaar die hoogste besprekingsgetal vir die afgelope ±3 jaar,” sê mnr Kat Myburgh, Areabestuurder van die Overstrandse Munisipaliteit se Gansbaai Administrasie.
Norman Stevens is die nuutaangestelde Bestuurder van die karavaanpark, nadat Charlie Nowers onlangs ná vele jare se getroue diens afgetree het. Glenda Kitley, Bestuurder: Gansbaai Toerisme, het laat weet dat veral die selfsorgeenhede (lede van Gansbaai Toerisme) baie vol vanaf 18 Desember tot in Januarie bespreek is, maar by die B&B’s en Gastehuise is daar nog plekke beskikbaar. “Dit blyk dat besoekers vanjaar bietjie langer vakansie hier hou, ten minste ‘n week of twee, terwyl ons verlede jaar gevind het dat dit hoofsaaklik net oor Kersfees of oor Nuwejaar die geval was,” sê sy. “Maar ons ontvang daagliks steeds versoeke vir akkommodasie en dit wil lyk asof mense eerder in families kom vakansie hou.” Sy sê heelwat navrae deur meer as een familie (met honde) wat huise soek om te huur, word ontvang en dan ook so na as moontlik aan die see. “Ons het gevind dat mense vooraf navrae rig oor aktiwiteite in die area, maar in hierdie verband kon ons vele inligting verskaf.” Johan Botha, Bestuurder: Uilenkraalsmond Vakansie-oord, sê dat hy meer as tevrede is met vanjaar se besprekings en dat die oord reeds vol bespreek is.
“Mense bly ook vanjaar vir langer tydperke as verlede jaar,” sê hy. Strandskloof Karavaanpark se eienaars, Tot en Isabel Fourie, is ook baie tevrede met vakansie-besprekings wat beter is as verlede jaar. Hulle het ook bevestig dat mense langer bly en daar is ook meer “agtermekaar”-besprekings per plot. “Ek het alreeds ‘n lang waglys van mense waarvoor ek nie plek het nie en is bykans drie-kwart vol bespreek vir volgende jaar ook,” vertel Tot. ‘n Belowende en ekonomiese Feesseisoen wag dus hopelik op Gansbaai se onderskeie sakelui.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...