Hou jou oe gerig op Jesus in 2015

Hou jou oe gerig op Jesus in 2015

Gansbaai Courant

Terwyl ons dan so 'n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop,  die oog gevestig op Jesus, die Begin en Voleinder van die geloof...... Dan sal julle nie geestelik moeg word en uitsak nie.” (Heb 12:1-3)

’n Mens is altyd aan die begin van ’n nuwe jaar gevul met baie verskillende emosies, vrese en vrae. “Wat gaan die nuwe jaar vir my inhou? Gaan ek hierdie jaar my finansiële situasie regmaak? Wat gaan van my kinders word? Ons huwelik sal hierdie jaar beslis tot ’n punt moet kom waar ons belangrike besluite moet neem? Wat gaan van ons land en sy ekonomie word?”

Die regte vraag wat ek en jy moet vra is: “Hoe moet ons as gelowiges die jaar aanpak?” Daarom moet ons na GOD se Woord gaan kyk en sien wat die Gees van ons vra. Hierdie gedeelte uit Hebreërs 12:1-3 gee vir ons duidelike riglyne:

Terwyl ons dan so 'n groot skare geloofsgetuies rondom ons het – Die Bybel is vol van gelowiges mense wat op GOD bly vertrou het in elke denkbare situasie – en GOD was getrou! Hy gee elke keer krag, uitkoms en nuwe lewe!

“laat ons elke las van ons afgooi, ook die sonde wat ons so maklik verstrik,” – Maak jou los van die swaar laste wat jy saamsleep: Bekommernisse, onnodige vrae, sondes van die verlede en veral die sondes of gewoontes wat tans jou lewe versuur. Geen atleet of gelowige kan die lewe se wedloop met ’n swaar las op hulle skouers hardloop nie. Jy ook nie. Gee alles aan GOD oor en voel hoe jou hele lewe verlig.

“en laat ons die wedloop wat vir ons voorlê, met volharding hardloop,” – Dis reg, die lewe is ’n wedloop. Dit vra van jou inspanning en deursettingsvermoë. Gelukkig weet ons dat GOD ons die krag vir elke dag gee – ons moet net uit ons bed opstaan en ons bed opmaak, die dag met al sy take, een vir een aanpak – en gou sal ons sien hoe ons as oorwinnaars deur die lewe gaan!

“die oog gevestig op Jesus, die Begin en Voleinder van die geloof ” –Hier kom ons nou by die geheim van ’n standvastige, doelgerigte lewe. Eintlik is dit nie ’n geheim nie. Ons weet dit almal. Ons doen dit net nie. Ons moet ophou om verward in alle rigtings te kyk vir hulp. Mense, regerings, banke en besighede kan jou nie deur die krisis help nie.  Net Jesus kan. Hou jou oog op Hom gevestig as jy die wedloop hardloop. Hy is die Lig op ons pad. Hy is die krag in jou spiere en net Hy alleen kan jou diepste vrese verstaan. Wat jy ook al aanpak.

Hou jou oog gevestig op Jesus, -  “Dan sal julle nie geestelik moeg word en uitsak nie.

Mag 2015 vir jou die jaar word waar jy Jesus heeltyd voor jou sien loop en jy Hom met jou hele lewe volg!

Hou jou oe gerig op Jesus in 2015

Ds Deon Kloppers

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant
Verstommende 9 054 stukkies rommel opgetel

Verstommende 9 054 stukkies rommel opgetel

39 rommelrowers het Saterdag deel uitgemaak van Internasionale Kus Opruimdag.

Gansbaai Courant
Astroquiz-Gansies ontdek die heelal

Astroquiz-Gansies ontdek die heelal

Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...

Gansbaai Courant