Gansbaai Courant

Cool Kids onder nuwe eienaarskap

Cool Kids onder nuwe eienaarskap

Gansbaai Courant

 “Om ‘n kind in sy/haar totaliteit te ontwikkel sodat hy/sy in ‘n goed aangepaste en verantwoordelike volwassene kan ontwikkel,” lui Cool Kids Voorskoolse Kindontwikkeling-sentrum se missie.

Die bekende Cool Kids kleuterskool te Buitekantstraat 1730, voorheen van past Frikkie en Mariette Zeelie, is deur Carin Coetzee oorgekoop en word deur haar met ingang van 1 Januarie 2015 bedryf. Die skool is bedoel vir kleuters tussen 18 maande en 5 jaar, met nasorg wat vir Gr R tot Gr 3 leerders ook aangebied word.

Carin se bekwame en opgeleide Pre-primêre onderwyseresse en personeel is Deborah (2-3 jariges), Genevieve (3-4 jariges), Natalíe (nasorg en klas-assistent) en Petro (algemene assistent), met Carin wat die 4-5 jariges onderrig. “Hierdie is personeellede wat hul taak met liefde en toewyding uitvoer,” sê Carin. “Sterk Christelike grondbeginsels is die grondslag waarop die hele skool berus, terwyl geloofsoortuiginge van die ouers en kinders wel gerespekteer word.” Carin sê voorts dat deel van hulle visie is om hoë kwaliteit Pre-primêre Onderwys op fisiese, kognitiewe, perseptuele, emosionele en sosiale ontwikkelingsvlakke aan die kleuters te verskaf.

“Noue vennootskap tussen ouers, die gemeenskap en die skool word deurentyd nagestreef, met konsekwente dissipline en roetine wat te alle tye gehandhaaf word,” sê Carin. “Daar sal ten volle gepoog word om te voldoen aan die kleuters se behoefte ten opsigte van geborgenheid, stabiliteit, orde, roetine en dissipline.” Carin sê ook dat multikulturele onderwys van krag is, met die nodige erkenning en respek vir die kulturele erfenis van elke kind. Kennis kan geneem word van ‘n Ope-dag op Vrydag, 16 Januarie 2015 tot 12:30, waartydens die skool deur belangstellendes besoek kan word.

Vir navrae en/of die inskrywing van kleuters, kan Carin by 028-384-2118 gekontak word, of stuur ‘n e-pos aan haar by carincoetzee1@gmail.com.                                

Hardus Botha

Cool Kids onder nuwe eienaarskap

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant