Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Dit mag snaaks klink, maar hier word na die Scattered Links, Overberg Chapter verwys wat hul motorfietse in die rigting van die Gansbaai Elim Huis laat dreun het. Kort gelede was hulle by Maretha Geldenhuys van Gansbaai Helpende Hand. Hierdie togte van Gansbaai se motorfietsers spruit voort uit hul Desembermaand se liefdadigheidsprojek met “Oranje-kleurige Kartondose” in etlike besighede in die dorp.
Daarmee het hulle soveel klere, babaklere, speelgoed en toilet- en kruideniersware ingesamel, dat hulle dit tussen genoemde twee instansies kon verdeel. Gansbaai Elim Huis is onlangs besoek, waar Joanne Swart, Projek-koördineerder van Elim Home in Elim en Sanna Wessels van Gansbaai Elim Huis die goedere, insluitend kontant, in ontvangs geneem het. “Ons het ook die winste van ons worsstalletjie tydens die aanskakeling van Gansbaai se Kersliggies gebruik en by hierdie donasies gevoeg,” vertel Juanita Maree, een van die organiseerders, asook eggenote van die motorfietsklub se voorsitter, Pieter Maree. Joanne het volledige agtergrond oor die ontstaan en doel van die Gansbaai Elim Huis aan die besoekers oorgedra en ook haar opregte waardering namens Elim Home se bestuur aan hulle oorgedra. Daarna het sy en Sanna hulle op ‘n besigtigingstoer deur die huis geneem. Tans is daar 24 kinders in die volledige projek vir Gansbaai Elim Huis betrokke, waarvan 17 daagliks daar is. Belangstellendes word uitgenooi om die huis tussen 10:30 en 11:30 te besoek om hulself van die aktiwiteite te vergewis. Die Gansbaai-tak van hierdie motorfietsklub het hulself al vele kere bewys as mense met ruim harte vir liefdadigheid. ‘n Vorige opmerking in Gansbaai Courant het tereg ook soos volg gelui: “Hierdie motorfietsers van Gansbaai is beslis nie ‘tange op motorbikes’ nie - hulle is gerespekteerde inwoners met etlike van hulle wat hul eie besighede bedryf - en aan ruim harte vir diegene in nood, is daar by hulle geen tekort nie.”
Vir navrae kan Pieter Maree by 083-292-0190 of Juanita by 083-665-5341 geskakel word. Vir navrae oor Gansbaai Elim Huis kan Joanne Swart by 028-482-1988 of 072-109-1203 geskakel word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...