Gansbaai Courant

Blog: Sakekamer Gholfdag 'n Wenner

Published: 22 January 2015
By:Hardus Botha

 “Die Gansbaai Sakekamer het 20 Desember 2014 weer ‘n jaarlikse golfdag aangebied - en dit was weer eens ‘n wenner,” sê Jorine van der Merwe, Sakekamer Bestuurslid. “Die doel daarvan is om fondse te bekom vir 2015 se Sakekamerprojekte waarby die hele sakegemeenskap sal baat.” Sy sê al die borge en pryse was oorweldigend. “Dit alles, ingesluit die goeie samewerking van Gansbaai Gholfklub, het van die gholfdag ‘n reuse sukses gemaak met goeie kompetisie, lekker eet, saamkuier, baie pret en ‘n gesellige onderlinge gees wat geheers het,” sê sy.

Die sakekamerbestuur, onder leiding van die ondervoorsitter, René Beukes, saam met Jorine het weer eens gesorg vir ‘n wenner op die Sakekamer se Jaarprogram. Daar was altesaam 39 golfspelers wat minder as die vorige jaar was. Elke speler het ‘n prys ontvang en saam met die veiling wat Bev Swart (Klubkaptein) hanteer het, was daar in totaal ‘n opbrengs van R18,289.90 - beter as die vorige jaar - ongeag minder spelers! Ria van der Merwe met 2 dames van Kleinbaai het gesorg vir ‘n heerlik ontbyt....“5 ster diens....en lekkerste ooit”. Die broodtafel met heerlike pattees, konfyte en kaas is goed ontvang en is deur Awie van der Merwe geborg.

 “Wat ‘n fees van kos....en na die dag se afsluiting is die kos wat oorgebly het, aan Silwerjare Tehuis vir Bejaardes in Blompark geskenk,” vertel Jorine. Gansbaai Sakekamer is baie dank verskuldig aan al die besighede en individue wat as borge opgetree het (alfabeties): A+ Plumbing Electical Gas, Biltong & Nut Corner, Boland Makelaars, Coke SA, Dyer Island Cruises, Fine & Country Overberg, Gansbaai Apteek, Gansbaai Courant, Gansbaai Elektries, Gansbaai Explore, Gansbaai OK Foods, Gansbaai Sand en Klip, Gansbaai Scoops, Gansbaai Superspar, Gansbaai Toerisme, Great White Shark Tours, Gretha Hanekom, Grootbos Foundation, Irvin & Johnson, Kleinbaai Hawe Kafee, Kleinbaai Superette, Lighthouse Tavern, Lumber City, Omega, Overberg Scaffold & Machine Hire, Overtek Computers, Pearly Shells, Prime Cut Meats, PSG Gansbaai, Raka Wines, SAB, Saxon Lodge, Seeff Eiendomme, Supreme Sharks, The Computer Hut, The Pro Shop Somerset-Wes, Tolbos Restaurant, Uijlenes Weddings & Accommodation, Walkerbay Drankwinkel, Watertech Plumbing, White Shark Guest House, White Shark Projects en Zonart Kaggels.

“Ons opregte dank en waardering vanaf die Sakekamer Bestuur aan u almal, sonder u deelname en belangstelling sou die dag nie moontlik gewees het nie!”

Hardus Botha

Recent Posts

DAFF konfiskeer 2 ru...
Published: 04 August 2017
By: Gansbaai Courant

Na aanleiding van die gereelde klagtes rakende per...

A huge welcome to ou...
Published: 04 August 2017
By: Gansbaai Courant

The Mammal Research Institute Whale Unit conducted...

James Roux se dood '...
Published: 04 August 2017
By: Gansbaai Courant

‘n Bekende eiendomsagent James Roux van Gans...

Hulle stap vir verlo...
Published: 04 August 2017
By: Gansbaai Courant

Twee ware Dapper Stappers, Tommy Beeslaar (48) en ...