Gansbaai Courant

Blog: Birkenheaders opgewonde oor 2015

Published: 29 January 2015
By:Hardus Botha

“Dit is sekerlik die eerste keer in die klub se geskiedenis dat daar 17 nuwe aansoeke aan die begin van die jaar op die kennisgewingbord geplaas is,” het Philip Fourie, voorsitter van die Birkenhead Boothengelklub onlangs gesê. Hy sê die aantal klublede, ingesluit booteienaars en skippers, het drasties gegroei wat die gewildheid van die klub beklemtoon. Klublede kom ook Woensdae op ‘n gereelde basis in die klubhuis bymekaar.

Dit dien as ‘n gesellige en ontspanne “Klein-Saterdagaand” en word benut om mekaar beter te leer ken en gesellig saam te kuier. Braaivleisvure word verskaf, tafels met eetgerei word reggeskuif, kroegfasiliteite is beskikbaar en al wat kortkom is die vleisie, slaaitjie en wat ook al. Terwyl die manne kuier en vleisbraai, is daar geleentheid vir die dames (nie verpligtend) om knap danspassies saam met Margi Muller aan te leer. Die eerste Woensdag van 2015 se sosiale byeenkoms is deur sowat 20+ lede en gaste bygewoon en daar is sommer tot laat-aand toe saamgekuier om die woelige week te onderbreek.

Kennis kan nou reeds van die Birkenhead Boothengelklub se jaarlikse “prestige” Valentynsdans in die vorm van ‘n Spitbraai op Saterdag, 14 Februarie 2015 geneem word. Hierdie geleentheid het só gewild geraak, dat alle besprekings nie altyd ge-akkomodeer kan word nie. Bespreek dus vroegtydig. Volle besonderhede sal in die volgende uitgawe van Gansbaai Courant bekendgemaak word.

Navrae en/of besprekings kan nou reeds aan Lorraine Fourie by 083-450-3653 of Johan Wiese by 084-680-1269 gerig word.                                                                 

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...