Gansbaai Courant

Die dinge van 'n stok

Die dinge van 'n stok

Gansbaai Courant

Wat saak maak en wat van belang is is die loop van die makriel die afgelope naweek. Wie soek dan nou die klein snoekies wanneer jy hierdie vis kan vang? En dis glad nie klein goedjies nie. Boonop is daar nie ‘n minmum-grootte nie en jy hoef ook nie te let op die aantal nie. Dis nie ‘n kwessie van mors met die vis nie, maar wat ‘n absolute plesier om te vang en ‘n bobaas-rookvis! Hoe lank hulle hier gaan bly, is ‘n ander storie. Vir die wat weet waar is daar geelbek en ook kabeljou nog te vinde.

Alle bedrewe kanthengelaars sal weet wat die nut is van verskillende “tips” op ‘n visstok. Daar hoef nie eers oor geredeneer te word nie, dis mos vanselfsprekend.

Nou die anderdag gepraat met ‘n bootman wat ‘n ander siening hieroor het. Hy erken wel dat dit vir die kantmanne sin maak om hulle stokke so te gebruik, maar nee sê hy, nie op die bote nie. Daar, hou hy vol, maak die dikte van jou stok weinig veskil. Hoe, sê hy verder, gaan die vis in elk geval weet wat bo-op die water aangaan. Die grootste nut van ‘n stok is dat, anders as ‘n handlyn, die lyn nie om jou enkels lê nie en altyd onder beheer is en wat nog belangrik is volgens hom is die dikte of die sterkte van jou lyn en nie jou stok nie. Die ergste is daar was nog iemand in die geselskap wat grotendeels met hom saamgestem het. En ek wil dit sê, ek dink dit maak baie saak en ek sal graag verduidelik waarom.  Ek haal dit hier aan omdat ek dink ek nie die ander twee manne oortuig het nie. (Daar was ook ‘n dame wat, kom ons sê maar, nie heelhartig met my saamgestem het nie.)

My argumente het berus op die volgende: Jy gaan meer vis vang met ‘n ligte bootstokkie wat jou toelaat  nie net om die vis beter te voel byt nie maar ook om dit te sien byt. Nou moet ek darem ook sê dat jy die stok moet aanpas by die vangery wat jy gaan doen. Normaalweg, hoe kleiner die vis, hoe ligter die stok. Ons praat nie nou van tunavang nie. Daar gaan jy die vis sien en voel, jy het eenvoudig nie ‘n opsie nie, “nevermaaind” die dikte van die stok. Ons praat van doodnormale vis soos hotties, snoek, geelstert, kabeljou, en so aan. Die dikte van die stok laat die vis meer beweegruimte wanneer hy byt. Die elastisiteit laat toe hiervoor.

Jy kan ‘n vis meer doeltreffend speel wanneer hy op loop gaan en vir daardie selfde rede sal hy nie jou lyn so gou breek as wanneer jy met ‘n stok sukkel wat glad nie meegee nie. Ek het ‘n vraag aan hulle te vra gehad  --  waarom het hulle stokke wel so “bietjie” speling? Wel, sê hulle, jy kan mos dan die vis voel. Is dit nodig vir verdere argumente? 

Groete, Seemeeu

Die dinge van 'n stok

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant