Gansbaai Courant

Blog: Franskraal Rolbal Nuus (19 Feb 2015)

Published: 19 February 2015
By:Philip Malherbe

Op Woensdag 4 Februarie, het ons plaaslike Besigheidsliga 'n aanvang geneem.  Agtien spanne neem hieraan deel.   

Aangesien hierdie nie spelers is wat afrigting ontvang het, en nie gereelde spelers is nie, kon daar nie verwag word dat algemene spel waffers sou wees nie.  Ons was egter aangenaam verras met die goeie spel wat deur die deelnemers gespeel is.  Van die deelnemers het egter getoon dat hulle nog nooit voorheen aan rolbal blootgestel is nie.  Dit was opmerklik dat hulle, hoe meer vertroud hulle met die hantering van die rolballe geword het, beter spel begin lewer het.  Een opmerking wat ek gehoor het, was dat rolbal baie moeiliker is om te speel as wat dit op die oog af lyk.  Met daardie stelling kan die skrywer hom vereenselwig.

Met slegs twee wedstryde agter die rug, is dit moeilik om op hierdie stadium voorspellings te probeer waag van wie die top spanne in hierdie jaar se kompetisie gaan wees.  Daar wag nog minstens vyf wedstryde om gespeel te word, en baie gaan nog gebeur voordat die wenspan aangewys word. Aangesien hierdie wedstryde op 'n Woensdag gespeel word, sal die skrywe in Gansbaai Courant nie die week se wedstryde weergee nie, maar die vorige week sin. 

Ons sal u egter op hoogte van gebeure probeer hou.  Sukses word alle deelnemende spanne toegewens, maar die belangrikste is dat u die ondervinding sal geniet. 

Rolbal groete tot volgende keer.

Philip Malherbe

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...