Op Saterdag, 21 Februarie, het die span van Gansbaai na Montagu gereis vir ons 4de wedstryd van die seisoen. Na lank bespiegel is of ons weens reën die wedstryd moet uitstel, is daar egter besluit om voort te gaan. Dit was 'n heerlike windstil dag en goeie tennis is gespeel. Die twee spanne het so goed gekompiteer dat vier van die agt wedstyde oor drie stelle beslis moes word. Gansbaai se span het uiteindelik gewen deur 5 wedstryde teen 3 te wen.

Baie geluk aan elkeen in die span: Alta van Niekerk, Lyn Bouchier, Carien Gooding, Lisel Joubert, Liandro Lodewyk, Daniël Geldenhuys, Eben Lourens en Gerhard Germishuys. Die speler van die dag was beslis Alta aangesien sy die minste spelle afgestaan het in haar maklike oorwinnings saam met Lyn en Liandro.

Eerskomende Saterdag het ons 'n loslootjie en die 7de Maart speel ons tuis teen Bonnievale. 

Sosiale tennis op Woendae vanaf 9:00 by die munisipale bane en Saterdae vanaf 14:00 by die Laerskool.

Tennisgroete, Daneel Geldenhuys

Zoom