Gansbaai Courant

Blog: Radio Kommunikasie

Published: 02 April 2015
By:Koos de Kock

Plaaslik word kanaal 71 op VHF gebruik veral by die Kleinbaai sleephelling. Volgens die Mariene Kennisgewing wat deur SAMSA uitgegee is, gaan kanaal 70 deur kleinvaartuie vir noodgevalle gebruik word. In  plaas van mondelings `n noodboodskap uit te stuur gaan die volgende plaasvind.

Wanneer u met u boot op die see is en u kry te doen met `n noodgeval, word daar oorgeskakel na kanaal 70, die “mic” se knoppie word ingedruk en onmiddelik word `n noodsein uitgestuur (digitaal) tesame met u boot  se koördinate (posisie) wat deur Kaapstadradio opgevang en na die naaste NSRI stasie herlei sal word. Hierdie stelsel tree in werking op 1 Julie 2015. Dit word van u as booteienaar verwag om voor die genoemde datum die 29  MHZ met die VHF radio te vervang. Op die voorkant van die VHF radio moet die letters “DSC” (Distress Signsl Channel) voorkom of wanneer u oorgeskakel het na kanaal 70, moet dieselfde letters op die skermpie van die radio verskyn.

Indien die genoemde letters nie op die radio voorkom nie, kan dit nie op u boot gebruik word nie, indien u wel so `n voorval teenkom kan u my skakel vir verdere ondersoek. Van my kant af vind ek dit baie vreemd dat  die noodkanaal so naby die werkkanaal geplaas word, aangesien dit maklik kan veroorsaak dat `n vals noodsein uitgestuur kan word deurdat die skipper hom dalk op die verkeerde kanaal kan bevind en die knoppie druk om met iemand te gesels en sodoende `n geskarrel kan veroorsaak.

Ek doen `n beroep alle skippers om uiters versigtig te wees en te kyk op watter kanaal hulle is voordat die knoppie gedruk word om met iemand te gesels. Daar sal gekyk word na die verpligte radios op bote gedurende “surveys”, na genoemde datum en “spot checks” word nie uitgesluit nie.

Koos de Kock (SADSAA Ondersoek/Veiligheidsbeampte) 

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...