Gansbaai Courant

Het jy toe die nuwe lewe ontdek?

Het jy toe die nuwe lewe ontdek?

Gansbaai Courant

“Aan GOD, die Vader van ons HERE Jesus Christus, kom al die lof toe! In sy groot ontferming het Hy ons die nuwe lewe geskenk deur die opstanding van Jesus Christus uit die dood.” (1Pet. 1:3) 

Sjoe, amper is hierdie Paastyd verby voordat ek aan jou die uiters belangrike vraag kon vra! Dalk dink jy ek wil jou vra of jy Vrydag ook by die kruis gekniel het en besef het Jesus Christus het spesiaal vir jou gesterf? Maar ek wil jou ook nie vra of jy Sondagoggend saam met die vroue verwonderd na die oop graf gekyk het en gehoor het dat Jesus uit die dood opgestaan het nie. Ek wil nie hierdie keer weet of jy ook saam met die dissipels in verwondering en afwagting geluister het toe daar aan hulle vertel is die graf is leeg en dat Jesus waarlik opgestaan het nie. Nee, ek wil jou ’n baie persoonlike en reguit vraag vra:

Het jy in hierdie Paastyd die nuwe lewe in Jesus Christus ontdek waarvan die Bybel praat (1 Pet. 1:3; Rom 6:4; Tit. 3:5)? As jy in Jesus Christus glo as jou Verlosser gee GOD vir jou ’n nuwe lewe saam met Hom, ja, ’n ewige lewe. (Joh. 3:16) Maar dit is nie sommer net ’n gevoel van opwinding of ’n bietjie nuwe krag in jou liggaam nie. Dit is niks minder as ’n nuwe hart, nuwe gedagtes en ’n volkome nuwe geestelike lewe nie! Om die waarheid te sê: Jy word in GOD se familie gebore (Joh. 1:12-13; Joh. 3:1-8; 1 Pet. 1;3, 23) . Die Bybel noem dit wedergeboorte – die nuwe geestelike lewe in Jesus Christus.

Die lewe is te kort en te kosbaar om nie hierdie nuwe lewe in Jesus Christus te ontdek en te begin uitleef nie. Jesus het nie net opgestaan sodat ons ewig kan lewe nie, maar ook sodat ons hier op aarde die nuwe geestelike lewe kan uitleef. In die nuwe lewe gaan dit nie meer oor wat ek begeer en hoe ek wil lewe nie. Nee, jy ontdek ’n lewe waar jy in alles die afdruk van GOD raaksien.  Die hele natuur en alles om jou kry ’n nuwe ligglans en jy besef hoe GOD se hand in alles teenwoordig is. Waar jy voorheen na mense met agterdog of vooroordeel gekyk het, sien jy met nuwe oë raak hoe GOD elke mens uniek geskape het – en dat Hy jou gebruik om teenoor ander te getuig van Sy liefde vir elke mens. Jy is bereid om daardie tweede kilometer saam met jou broer te stap en jou laaste stukkie brood ook met hom te deel.

Hierdie nuwe lewe in Jesus is ’n fees jong! Jy het nog nooit soveel blydskap en vreugde beleef voordat jy met hierdie nuwe lewe begin het nie. Jy kan dit gerus probeer. Gee sommer nou jou hart en jou hele lewe oor aan Jesus en begin hierdie nuwe lewe!

Het jy toe die nuwe lewe ontdek?

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant