Gansbaai Courant

Blog: Onder 19A Rugbyspan Academia se trots

Published: 21 May 2015
By:Liezel Mostert

Sedert die rugbyseisoen begin het, het die onder 19A rugbyspan behoorlik tande gewys. Na agt agtereenvolgende wedstryde is die span onoorwonne. Skole in die distrik is deeglik bewus van hierdie gedugte rugbyspan wat onder die uitstekende leiding van mnr Wynand Bezuidenhout en mnr Dennver August die skool se spogproduk is.

Uitslae van die span is soos volg: Eben Dönges: 45 – 17; Kassiesvlei: 9 – 5; Albert Myburgh: 17 – 7; New Orleans: 14 – 7; Swartberg: 21 – 0; Agulhas Vaardigheidskool: 20 – 14; Eben Dönges 8 – 3 en Riviersonderend 45 – 20.

Die span bestaan uit: Verryenne van Tonder, Alexander Goss, Jason Groenewald, Mynard van Niekerk, Jayberry Mauries, Sylvino Europa, Nardie Groenewald, Abre – Jzahn Spandiel (kaptein), Jeremy Titus, Reginald Alexander, Tyrelle Spandiel, Lenando Mert, Fritz Hill, Shaun Memanie, Geortrin Wildschut, Clifford Hill, Kobus Truter. Aiden Wildschut, Sidwill Lottering, Roeben Dreyer, Ithayi Bango, Johann Plaatjies, Victor Abrahams, Angelo Vergotine, Geolin Baardman en Leroy Marthinus.

Die seuns oefen elke Dinsdag en Donderdag en Woensdae en Saterdae is hulle op hul pos om wedstryde te speel. Aangesien Academia ‘n geen – skoolfonds – skool is, is vervoer ‘n groot kopseer. Dit kos gemiddeld R 100 per speler om vir ‘n gehuurde bus te betaal. Dit beteken ongeveer R 2 300 per wedstryd wat weg gespeel word om ‘n bus te huur. Die span is dringend op soek na ‘n borg vir vervoer of enige donasie sal ook welkom wees. Dit sal wonderlik wees as die gemeenskap agter die jong manne kan staan en die trots van die skool en Gansbaai sal ondersteun.

Liezel Mostert

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...