Gansbaai Courant

Blog: Alida maak hengel-geskiedenis

Published: 16 July 2015
By:Hardus Botha

Saterdag was dit weer Hengelkompetisie te Pearly Beach deur die Pearly Beach Hengel- en Ontspanningsklub. Isolde Smith, sekretaresse van die klub, vertel dat Alida Strydom behoorlik geskiedenis gemaak het.

“Alida is die eerste dame in ons klub om ‘n hengelkompetisie te wen,” vertel Isolde. “Hierdie prestasie het sy behaal deur twee galjoene van onderskeidelik 1.25kg en 1.4kg te vang, asook ‘n steenbras van 2.45kg!” Isolde sê al was Deon Strydom se sak swaarder, het Alida se visse meer punte getel en was sy die kompetisiewenner. Deon het darem 2de met swaarste sak en grootste vis gekom, met Ewan Swart 3de, Dennis Morries Jr 4de en Jaycee Krynauw 5de. Sy sê Alida wen natuurlik ook die dameskompetisie, met Fanie du Toit wat die seniors se kompetisie gewen. In totaal was daar 55 deelnemers, met 9 hengelaars wat 16 visse ingeweeg het. “Na die inweeg het almal lekker by die Winter-kersligete saamgekuier, waar Gian Groen en Green Liberty ons met hulle uitstekende musiek vermaak het,” sê Isolde. “Dankie aan al die deelnemers, ondersteuners en borge wat bygedra het om die dag so ‘n sukses te maak.”

Klubnavrae kan aan Isolde Smith by 084-320-8613 gerig word.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...