SEEFF SUID-KAAP spog met 'n nuwe kantoor in Pearly Beach. Groot makietie is by die Rooi Bier gehou en eregaste was mnr Ian Badenhorst, Besturende Direkteur vir Seeff Suid-Kaap en sy vrou Barabara, asook  DA Raadslid, mnr Dudley Coetzee en sy vrou, Shirley.

Volgens mnr Cornie Swart, Besturende Direkteur vir Seeff in die Groter Gansbaai, is alle aanduidings van 'n wesenlike groei vir Pearly Beach in die vooruitsig. Hoë huispryse in nabye dorpe soos Stanford, De Kelders, Gansbaai en Franskraal maak Pearly Beach meer en meer aantrekliker vir Aftree- en Eerste huiskopers. Die kantoor sal bestuur word deur Dawid Kunneke en word bygestaan deur sy vrou, Janine, wat verhurings sal behartig.

Dawid en Janine is oorspronklik van die Laeveld in Mpumalanga en het meer as 30 jaar ondervinding in die eiendombedryf. Hulle liefde vir die Kaap het ontstaan toe Dawid in 1986 by die Ovcon groep BELANDIA HOMES in Kaapstad, sy debuut in die bedryf gemaak het. Hy was later Verkoopsbestuurder vir onder andere SAGE  SCHACHAT CULLUM en  die laaste twee jaar  vir die JUST PROPERTY GROUP aan die Suidkus van Natal.

“Die vriendelike mense, die kultuur, die natuur en lewenskwaliteit van Pearly Beach en die Overstrand het ons verower! Hier trek ek nie!,” sê Dawid.

Zoom

Zoom