"Wesgro reël konferensies vir verteen-woordigers van Toerisme organisasies van-uit alle Weskaapse streke kwartaalsgewys," vertel Glenda Kitley, Bestuurder: Gansbaai Toerisme.

"Die onlangse konferensie was vir die Overstrand ge-oormerk, met verteenwoordigers vanuit verskillende streke in die Wes-Kaap. Die groep was verlede Donderdag en Vrydag betrokke by ‘n konferensie te Stanford Valley wat deur Joanne Kunz van Cape Whale Coast gereël is. Hulle kon voor die aanvang van die konferensie as vrywilligers aan aktiwiteite, soos deur Gansbaai Toerisme gereël, deelneem. Hulle sou vroeg die oggend op ‘n walvisbesigtigingsrit saam met Ivanhoe Sea Safaris uitgaan, maar weens gure weersomstandighede kon dit nie realiseer nie.

Plan B is deur Glenda in werking gestel met ‘n kort besienswaardigheidstoer van sowat twee ure in die omgewing. Walvisse te De Kelders is besigtig, waarna die groep na die Dangerpoint Vuurtoring geneem is. Nadat hulle die pragtige omgewing daar besigtig het, is hulle na die African Penguin and Seabird Sanctuary (APSS) geneem.

Heerlike verversings is geniet terwyl Xolani hulle oor APSS ingelig het. Daarna is hulle terug na die Gansbaai Toerismekantoor, vanwaar hulle na Stanford vir die konferensie vertrek het. Hulle was vol lof vir hierdie pragtige omgewing wat hulle besigtig het.

Die op-en-wakker Toerismepersoneel, onder leiding van Glenda, kan by 028-384-1439 geskakel word, of stuur ‘n epos aan hulle by gansbaaiinfo@telkomsa.net, of op Facebook (gansbaai-tourism) of twitter (@gansbaaitourism). Gansbaai Toerisme se opwindende webtuiste is www.gansbaaiinfo.co waar vele kosbare inligting bekom kan word.

Hardus Botha

Zoom