Gansbaai Courant

Blog: Gansies se Groot Dag

Published: 06 August 2015
By:Hardus Botha

 “Gansies, gansies stap in ‘n ry; 1 2 3 hier kom ‘n gholfdag verby!”, lui die kleuters van De Kleine Gansies Kleuterskool se liedjie oor hulle groot en opwindende dag op Saterdag, 12 September 2015 by Gansbaai Gholfklub.

Dit is verseker ‘n Familiedag wat nie misgeloop moet word nie - ‘n Gholfdag, ‘n Damestee en ‘n Kinderdagsorg - alles in een. Alle fondse wat op dié dag ingesamel gaan word, word direk teruggeploeg in die kleuters van De Kleine Gansies. Gholfspelers kan uitsien na ‘n opwindende “4 Ball Better Ball Prefered Drive” teen R200 per speler, met vele pryse op die spel.

Registreer sommer vooraf by info@overbergonline.co.za of skakel Mariana Smal by 079-951-0455 vir navrae.

Die Damestee (High Tea) vanaf 10:00 tot 12:30 beloof ook pure opwinding. Hierdie geleentheid word deur Gansbaai OK Foods geborg, met Willene Sieberhagen van Chata Romano as gasspreker en haar tema is “‘n Nuwe Jy…” teen R150 per persoon, maar slegs 150 sitplekke is beskikbaar. Willene gaan onder andere fokus op aspekte soos hare en grimmering se regte kleure vir die gelaat, asook fundamentele kledingstukke vir die klerekas.

Verteenwoordigers van Annique, Justine, Avon en Corra’s sal ook teenwoordig wees en ook hier sal pryse te wenne wees. Tee en koffie sal saam met verversings geniet kan word. Lise Bosman (076-767-4729) of Edna van der Linde (084-396-3306) kan vir kaartjies geskakel word, wat ook by Gansbaai OK Foods beskikbaar is.

Die derde been is die Kinderdagsorg vanaf 09:00 tot 13:00 teen R50 per kind (3-8 jaar) terwyl moeders die Damestee rustig kan geniet, met die kinders wat met aktiwiteite en verversingtjies besig gehou sal word.

Hier kan Lanita Marais by 028-384-1164 geskakel word. Laastens moet daar nie van die Hoender- of Gourmet Bief Burgers teen R35 vir middagete vergeet word nie. Wegneem burgers sal ook beskikbaar wees en Hanneke de Wet kan in hierdie verband geskakel word.

Die organiseerder van hierdie groot Gansie-dag is Gretha Hanekom en sy kan by 084-941-2276 geskakel word, of stuur ‘n e-pos aan haar by groenfontein@b360connect.co.za.

Onthou van De Kleine Gansies se Groot Dag op Saterdag, 12 September 2015 by Gansbaai Gholfklub.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...