Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
“Na ons eerste suksesvolle fees in 2014, beloof vanjaar se Funky Fynbos Fees ‘n naweek van pret en plesier vir die hele gesin,” vertel Michelle Williams, een van die organiseerders van die fees. Die program vir die naweek van 18-20 September 2015 is reeds gefinaliseer en is propvol opwindende feesitems te De Uijlenes en regdeur die res van die omgewing. Drie bergfietswedrenne sal weer een van die hoogtepunte wees, ook vir die gesin. Aktiwiteite vir kinders sluit korter bergfietswedrenne, bergwedlope, go-karts, kulkunstenaars, modelvliegtuie, springkastele, gesigverf en veel meer verrassings in.
In Gansbaai Hawe sal aktiwiteite soos visbraai, lewendige vermaak en pret vir kinders aangebied word. Vir die natuurliefhebber sal daar Fynbossafaries, perdry-ritte in die fynbos of op die strand plaasvind. Gansbaai Gholf Klub sal sorg vir ‘n stewige gholfkompetisie vir gesoute gholfspelers.
Lomond Wynkelder kan ook besoek word vir wynproe en ‘n “pop-up” restaurant, asook lewendige musiek, ‘n vlieghengelkompetisie en vele pret vir kinders sal insluit. By De Uijlenes sal die jaarlikse Gansbaai Fynbos uitstalling besigtig kan word, asook lewendige vermaak, ‘n speelpark vir kinders, handwerk- en kosstalletjies en veel meer.
By Strandkloof Karavaanpark is daar 4x4 aksies, witblits, perlemoenpotjie, ‘n spitbraai en veel meer. Groeneweide Kwekery sal sorg vir uitstallings, verkope van selfdoen-projekte, heerlike etes met wyn, bier en musiek vir almal, asook plaasdiere en ‘n klimraam vir kinders en die vlieg van radiokontrole vliegtuie vir die “groter” kinders. Haaiduik en kyk na walvisse per helikopter, vliegtuig, van die land of per boot, word ook aangebied.
Toegang tot die fees en stalletjie-areas is gratis. Die fees se doelwit is om besoekers aan Gansbaai se verskeie besienswaardighede bekend te stel. ‘n Gedeelte van die fees se opbrengs sal aan ‘n liefdadigheidsorganisasie, wat later geïdentifiseer sal word, geskenk word. Kom ondersteun en geniet die Funky Fynbos Fees.
Vir meer inligting kan die fees by www.funkyfynbos.co.za besoek word. Michelle Williams kan by 082-689-0355 gekontak word, of stuur ‘n e-pos aan haar by funkyfynbosfestival@gmail com.
Hardus Botha
