Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Tussen knipsels die volgende berig, 24 Oktober 1975.
Baie is al gesê en geskryf oor die skilderagtige dorpie, Gansbaai. Minder bekend is die feit dat hierdie vissersdorpie in die begin van die vorige eeu oor ʼn op-en-wakker sokkerspan beskik het.
Die knipsel is verweerd en die foto verbleik, maar die name van ʼn paar manne op die foto is wel duidelik aangedui. Jannie Swart, Magiel Groenewald, Hans Swart, Danie Groenewald en Magiel Otto, Flip van Dyk en Gert Swart.
Byskrif: Die foto is in die jaar 1910 geneem.
Is daar moontlik een van die lesers wat die foto het, of meer weet van dié sokkerspan?
Ons het die afgelope maande verskeie oproepe, persoonlike e-posse en versoeke deur die Courant gerig om asseblief kort inligting omtrent jou skool, kerk of organisasie aan ons te stuur. Mense het reageer, maar daar is nog groot leemtes in die hedendaagse geskiedenis. Baie kerke, organisasies, sportklubs en skole het geen terugvoering gestuur nie. Indien dit ons nie bereik het nie, bestaan jou organisasie nie in die boek nie.
Die boek is tans in die afrondingsfase en laaste bydraes kan nog tot einde September gestuur word.
Indien u wel gestuur het, baie dankie. Ons het ʼn vermoede dat die boek landwyd gelees gaan word. Gansbaai en omgewing is uniek, sy geskiedenis lees soos ʼn blitsverkoper en sy mense was nog altyd sy grootste bate.
0822558509
