“Die inwoners van Pearly Beach se Interkerklike Biddag op 16 September was ‘n hoogsgeslaagde byeenkoms,” vertel Petrus du Preez. “Die weer het goed saamgespeel en die byeenkoms kon in die buitelug op die grasperke by Pearly Beach se Herbarium plaasvind.” Alta Van Niekerk, bygestaan deur Engela Basson en Annaline Reinke (met trekklavierbegeleiding), het die reëlings vir heerlike samesang en gebede getref. “Ek voel werklik dat elke wyk so 'n dag kan reël en onsself kan gerus opvolg deur bidure te hou,” sê Petrus.

“Ons voel werklik dat net God ons land en die wêreld kan red uit die toestand waarin ons tans verkeer.” Die hoofdoel van die dag was vir verootmoediging en gebed deur alle gelowiges. Die groot groep het onder andere vir sondevergifnis, genade, liefde en eenheid tussen alle gelowiges gebid, asook teen misdaad, korrupsie en moorde en die apatie en selfsug van gelowiges. Die organiseerders het onder andere na Matt 6:33 verwys, waar Christus gesê het: “Maar soek eers die koninkryk van God en sy geregtigheid, en al hierdie dinge sal vir julle bygevoeg word.” Eie stoele, sitkombersies en bekers is saamgeneem en na afloop van die byeenkoms is daar ook saamgekuier met heerlike sop wat bedien is.

Hardus Botha

Zoom

Zoom