Gansbaai Courant

Blog: Vasbyt Stappers

Published: 24 September 2015
By:Gansbaai SAPD

Gansbaai SAPD se vasbyt-stappers het op 28 tot 29 Augustus 2015 vir die vyfde agtereenvolgende jaar aan die Kannaland Vasbyt Stap te Ladismith deelgeneem. Die afstand wat oor dié 2 dae gestap word, is 75km. Hulle het ingeskryf in die kategorie vir gemengde veterane wat moet bestaan uit 3 mans en 3 vrouens. Hulle het dan ook verder ingeskryf vir die uitdaging teen ander polisie-spanne in dieselfde kategorie, asook as algehele spanne.

Die deelnemers bestaan hoofsaaklik uit lede van die SAPD, Korrektiewe Dienste, Weermag en Publiek. Die eerste dag is 40km se stap en die span het die afstand in 5 uur, 14 minute en 50 sekondes afgelê. Die tweede dag is aangepak met moeë bene en seer voete en die oorblywende 35km is in 4 uur, 50 minute en 15 sekondes afgelê - dus ‘n algehele tyd van 10 uur, 6 minute en 5 sekondes. Die algehele tyd van verlede jaar is met 40 minute verbeter.  

Die span het in die uitdaging vir die SAPD lede die goue medalje verower en met die algehele uitdaging het hulle die silwer medalje verower. Korrektiewe dienste het hulle gewen met 3 minute en 49 sekondes, Die span is trots op hulself en hul toegewyde oefeninge oor naweke het vrugte afgewerp. Die Gansbaai SAPD-span wil graag langs hierdie weg al die persone wie hul ondersteun het om die geleentheid moontlik te maak, hartlik bedank.

Gansbaai SAPD

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...