Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Op Saterdag, 17 Oktober 2015, het Stefan Stieger, graad 1-leerder van Laerskool Gansbaai, aan die Nasionale WOW Spelfees op Stellenbosch deelgeneem.
Nadat hy by 4 uitdunne ’n eerste plek behaal het en twee weke terug as die beste speller in die Wes-Kaap aangewys is, het hy nou ’n algehele 3de plek in Suid-Afrika behaal! Dit was Saterdag ’n baie strawwe kompetisie van meer as 2 ure.
Daar was later net 5 spellertjies wat net nie verkeerd gespel het nie! Hul is deur alle Graad 1, 2 en ’n groot deel van die Gr 3-woorde voor hul uiteindelik ’n 1ste, 2de en 3de plek kon bepaal.
Knap gedaan, Stefan! Laerskool Gansbaai, die hele Overberg en die hele Wes-Kaap is só baie trots op jou!
Alana Louw, Gr 1-opvoeder
