R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Die huis in De Villiersstraat, De Kelders, bekend as Kloeks@Home van Henk en Kloeks van Zyl, het op Woensdag verlede week, 18 November begin brand. Op verskeie foto’s kan duidelik gesien word dat die brand in die boonste houtverdieping ontstaan het, wat kort daarna na die onderste gedeelte van die huis ingetuimel het.
“Die brand het by ‘n kragpunt in die boonste verdieping begin,” het Henk gesê. “Die venters was aan weerskante oop en met die sterk wind het die rook so vinnig na ‘n kant toe gewaai, dat ons eers ‘n rukkie later besef het die boonste verdieping brand.” Henk en Kloeks, asook hulle seuntjie was in die onderste gedeelte tydens die ontstaan van die brand, maar is ongedeerd.
Terwyl die brand in die boonste verdieping gewoed het, het ‘n paar Inspekteurs van Seevisserye, wat daar verbygery het, spontaan uitgespring en gasbottels na buite aangedra. Hulle vinnige optrede het beslis daartoe bygedra dat moontlike erge ontploffings voorkom is. Gansbaai Brandweer was op die toneel en selfs lede wat van diens af moes gaan, het hul brandbeskermingsklere aangetrek en ook op die toneel opgedaag.
Hardus Botha
