Sers Henry Marais het verlede week en Dinsdag 'n groot dwelmvonds danksy sy oplettendheid gemaak. Hy het tydens patrolliediens inligting ontvang van dwelms wat 'n kort rukkie van tevore by die woning van 'n pastoor in Masakhane afgelewer is. Hy en Konst Kholane is dadelik na die woning en het toe met die toestemming van die eienaar die woning deursoek. Daar is op 'n groot hoeveelheid tik en R10 061.90 kontant beslag gelê. Sers Marais het toe ook gesien dat daar los sand op die woning se vloer was en het dit weggegrawe. Volgens Gansbaai SAPD se media verteenwoordiger, A/O Wynand le Roux, het hy toe op 'n blou lap afgekom waarin 68 heel Mandrax tablette toegevou was. Simphive Qwaka (41) en sy vrou, Nomwetha Gova (38) is gearresteer vir die besit van dwelms. Hulle het reeds in Hermanus hof verskyn en die saak is uitgestel vir verdere ondersoek.

Francois de Jongh

Zoom