Gansbaai Courant

Blog: Fotograwe gaan ook rus

Published: 03 December 2015
By:Hardus Botha

Gansbaai Fotografieklub se fotograwe gaan ook rus, maar hopelik nie hulle kameras nie. Daarvoor is daar nog te veel wat gedurende Desember op hulle wag: Kersliggies aanskakeling, Kersmark, Kersdag, Ou- en Nuwejaarsdag en vele feestelike gebeure gedurende die feesseisoen wat die kameras sal laat aanhou flits. Nietemin, die klub het onlangs hul jaarafsluitingsfunksie te Groeneweide in die vorm van ‘n gesellige bring-en-braai gehou.

Daar is gesellig saamgebraai en gekuier met die eienaars wat seker gemaak het almal geniet dit terdeë by hulle netjiese en goed ingerigte restaurant- en buite-area te Groeneweide. Voorsitter Riaan Jacobs het die lede vir hul goeie samewerking gedurende die jaar bedank en ook enkele blyke van waarderings oorhandig: Deon en Linda Kloppers vir die gebruik van o.m.G.e.e. Bedieninge se lokaal en Hardus Botha (Gansbaai Courant) vir gereelde beriggewing.

‘n Baie spesiale oorhandiging is aan Veronica du Plessis gemaak vir haar onbaatsugtige ywer waarmee sy etlike klubsake gedurende die jaar behartig het. “Sy is die een wat eintlik al my werk as voorsitter gedoen het,” het Riaan gesê. Veronica en haar eggenoot, Marc was ook verantwoordelik vir die netjies-versierde tafels waarby die lede kon aansit.

Lesers kan gerus van Gansbaai Fotografieklub se webtuiste, www.gbpc.co.za, kennis neem.

Vir navrae kan Riaan Jacobs by 082-373-8270 geskakel word, of Veronica du Plessis by 084-826-8781.

(Foto’s: Jane Bailey)

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...