Gansbaai Courant

Blog: Kersmark om die draai

Published: 03 December 2015
By:Hardus Botha

Die NG-gemeente van Gansbaai se jaarlikse Kersmark open op Donderdag, 10 Desember 2015 om 09:00 in die Pretoriussaal. Dit sal daagliks, uitgesluit Sondae, vanaf 09:00 tot 18:00 oop wees. Op die Vrydagaande van 11 en 18 Desember sal dit tot 20:00 oop wees sodat ‘n aandmark geniet kan word. Gansbaai Courant se Dagboek kan vir die presiese tye geraadpleeg word.

Vanjaar se tema vir die mark is Gansbaai en omgewing se blomme en fynbos, asook ‘n pragtige kwilt van Olga Swanepoel en haar span as fokuspunt teen die agterkant van die verhoog. “Ons poog jaarliks om enkele nuwe uitstallers die geleentheid te bied en vertrou dat daar iets na elkeen se voorkeure te koop aangebied sal word,” sê Linda Cilliers, organiseerder saam met haar eggenoot, Thys.

Francia van Dyk en haar span sal weer vir die restaurant verantwoordelik en vanjaar se restaurant-winste gaan aan Gansbaai Maatskaplike Dienste vir die kostes van hulle Administratiewe Beampte. Naas vele stalletjie-items wat as die ideale Kersgeskenke aangekoop kan word, sal daar ook meer as genoeg lekkernye soos smaaklike etes, nagereg, koek, tert, drinkgoed en veel meer op die verhoog-restaurant aangebied word. 

“Wees verseker van ‘n klompie genotvolle en interessante inkopie dae - kom loer gewis in en niemand sal teleurgesteld huiswaarts keer nie,” sê Francia. Navrae kan aan die NGK se kerkkantore by 028-384-0510 gerig word.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...