Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Dit was weer dié tyd van die jaar wat die NG Vrouediens se Uitreikaksie onder leiding van Elcine Hulme vir ‘n gesellige Kersete vir Silwerjare Dienssentrum en Oak Grove Nasorgsentrum gesorg het. Hierdie jaarlikse optrede van hulle sorg telkens vir groot opgewondenheid waarna die bejaardes uitsien.
Vanjaar het hulle vir Lynette van Wyk betrek met ‘n groepie van 4 volwassenes en 4 kinders wat geestelike danspassies opgevoer het. “Ons het positiewe kommentaar hieroor ontvang, veral met verwysing na die kindertjies se optrede wat baie deur die bejaardes geniet is,” vertel Elcine. Selfs Jack White het met sy bekende trompet opgedaag, wat eweneens as iets nuuts ervaar is. Die saal was pragtig versier en sowat 80 mense is gesellig met ‘n volle ete en nagereg onthaal.
Vir die spreekwoordelike kersie op die koek, is verleidelike sjokolade aan die bejaardes uitgedeel - en snaaks genoeg het niemand dit as gevolg van “suiker- of ander probleempies” van die hand gewys nie! Elcine sê die Kersete het net soos in die verlede baie goed verloop en is terdeë deur almal geniet, met spesifieke verwysing na 2 Oak Grove “tannies” wat hul dankbaarheid nie genoeg kon beklemtoon nie. (Foto’s: Johan Hulme)
Hardus Botha
