Gansbaai Courant

Kwaskenades se Ubuntu

Kwaskenades se Ubuntu

Gansbaai Courant

 “A person is a person through other persons”, lui die woorde op ‘n plakaat tydens die amptelike opening van Kwaskenades se Ubuntu-kunsuitstalling in Gansbaai Toerisme se konferensiesaal. “Ek het besef ek begin ouer word en het gewonder wat kan ek doen,” vertel Olga Swanepoel, organiseerder van die kunsuitstalling. “Toe dink ek aan Ubuntu en aan die begin van die jaar het ek die gedagte met my kunsstudente bespreek en hulle het entoesiasties saamgewerk.

Julia Barlow van die Lighthouse Tavern was seremoniemeester en het die eregaste, waarby Overstrandse Uitvoerende Burgemeester as gasspreker ingesluit was, verwelkom, asook die kunstenaars en ander gaste wat die aand ondersteun het. Olga het gesê “Ubuntu” is ‘n Zoeloe-woord wat “meelewing, respek, broederliefde, omgee, deernis en empatie” beteken en al die skilderye in hierdie spesiale uitstalling stel Ubuntu as tema voor. By elke skildery is die kunstenaar se uniek storie wat van een of meer van Ubuntu se betekenisse weergee. Sowat 16 van Olga se studente het deelgeneem, asook 4 gaskunstenaars, Dries en Susan van Heerden, Rentia van Jaarsveld en Benita Terblanche, Olga se dogter.

Raadsdame Botha-Guthrie het in haar toespraak na die Engelse weergawe van Ubuntu verwys: “People are people through other people”. “Ubuntu spreek die universele konsep van menslikheid aan en herinner ons daaraan om die belangrikheid van die gemeenskap te erken en samewerking na te streef - maar belangriker nóg is dit ontmoedig eiebelang,” het sy gesê. “Ek beskou Olga as ‘n waardige draer van my Burgemeesterstoekenning aan haar ‘n tyd gelede en is baie trots op haar.” Op haar beurt het Olga pragtige blommeruiker-mandjies aan Raadsdame Botha-Guthrie en Julia Barlow, haar regterhand in die organisering van die uitstalling, oorhandig. John Jacobs het die bedankings hanteer en alle borge is bedank.

Die unieke Ubuntu kunsuitstalling duur nog net tot eerskomende Saterdag, 19 Desember en almal kan aangemoedig word om dit te besoek - dit is uniek, professioneel en alles gaan vir ‘n goeie doel, asook die geluktrekkingskaartjies teen R10 vir die wen van ‘n pragtige skildery. “Alle winste van ons verkope gedurende hierdie tyd gaan aan Elim Kinderhuis en Silwerjare Dienssentrum en indien iemand nie ‘n skildery kan bekostig nie - daar is ‘n donasiekissie vir bydraes aan hierdie twee organisasies,” het Olga gesê.

Hardus Botha

Kwaskenades se Ubuntu

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant