Gansbaai Courant

Blog: R&R Aluminium se nuwe Eienaars

Published: 14 January 2016
By:Hardus Botha

Die baie bekende glas- en aluminiumbesigheid van Raymond en Roza Rabe, R&R Aluminium in die Industriële gebied, het ná sowat 17 jaar van eienaars verwissel. Met ingang van 11 Januarie 2016 is die nuwe eienaars (in vennootskap) Heinrich van Rensburg (siviele ingenieur) en Chris Young (siviele ingenieur) van Hermanus.

Heinrich se eggenote, Maryke sal voortaan die ontvangs, administrasie, kwotasies en boekhouding behartig. R&R Aluminium is bekend vir hul stortdeure, vensters, skuifdeure, balkonreëlings, spieëls en glasherstelwerk en hierdie dienste sal deur Heinrich en Chris voortgesit word. Die res van die gesoute personeel, Wilfred, Allister, Amos en Edwell, sal ook steeds daar wees.

Heinrich is ‘n ou bekende sakeman in Gansbaai met sy NKC Builders, waar Chris ook ‘n vennoot is, wat steeds bedryf sal word. “Met my bouwerk sal die oorname van R&R Aluminium van groot waarde wees, aangesien dit relevante en praktiese dienslewering aan kliënte saam met my bouwerk sal wees, ingesluit bykomende behoeftes soos hierbo vermeld,” sê Heinrich. Ná Raymond Rabe se ernstige gesondheids-terugslag, asook Roza se eie gesondheidsprobleme, het die egpaar besluit om ná 17 jaar die tuig finaal neer te lê. (Sien berig op bl 16).

Bestaande kliënte kan kennis neem dat Roza steeds vir ‘n tydperk beskikbaar sal wees vir die afhandeling van ou kontrakte, asook interne opleiding aan die nuwe eienaars. Die twee nuwe eienaars wat vennote in altwee genoemde besighede is, bedryf NKC Builders al vir die afgelope 11 jaar - so lank as wat Heinrich en Maryke Gansbaaiers is. Met twee siviele ingenieurs as eienaars van R&R Aluminium en NKC Builders kan sake en dienste gelewer net goed wees.

Kennis kan geneem word dat die naam R&R Aluminium onveranderd bly, asook die landlynnommer (028-384-0613), die faksnommer (086-296-9393) en die e-posadres (rraluminium@telkomsa.net). Slegs Heinrich se selfoonnommer (082-879-7841) is ‘n nuwe toevoeging tot die kontakbesonderhede.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...