R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
“Die hof het my nie gevra om te pleit nie en gevra om die bank te verlaat,” het Johan Rademeyer, ‘n bekende sakeman in Gansbaai aan Gansbaai Courant gesê. “Daar is dus geen saak teen my gemaak nie.”
Gansbaai Courant (Donder-dag, 17 Maart 2016) het onder die opskrif: “Plaas-smokkelnes skok”, verwys na Gansbaai SAPD se speurtak en beamptes van die Departement van Seevisserye (DAFFF), wat in ‘n gesamentlike operasie op ‘n perlemoen droogfabriek toegeslaan het.
Die perlemoen droogfabriek was op die plaas Groenkloof naby Pearly Beach en twee Chinese is gearresteer.
Intussen is inligting ontvang dat die Chinese elk met twee jaar tronkstraf, opgeskort vir vyf jaar, gevonnis is nadat ‘n pleitooreenkoms met die Staat aangegaan is.
Die ondersoek is egter nog nie afgehandel nie, aangesien die proses van beslag-legging op eiendom steeds aan die gang is.
Een van die plaaseienaars, Johan Rademeyer, is ook tydens die operasie gearresteer, aangesien twee groot rubberbote op die plaas gestoor is.
Volgens Gansbaai SAPD se speurtak is die saak teen Johan wel teruggetrek.
Johan sê hy het tien dae verhoorafwagtend in die Buffeljachts gevangenis deurgebring, en voel dat hy te na gekom is.
“Ek wil dit beklemtoon dat ek nie ‘n misdadiger is nie en ook nie ‘n perlemoensmokkelaar is nie en ‘n regsproses rakende my arrestasie destyds is reeds van stapel gestuur,” het Johan aan Gansbaai Courant gesê om die saak van sy kant af reg te stel.
