R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Eenhonderd ses en dertig visse met ‘n massa van 129.1kg is verlede Saterdag, 6 Augustus tydens Birkenhead Bootklub se visvangkompetisie uitgetrek. Dit was ‘n lieflike dag op see. Drie en twintig hengelaars het op sewe bote deelgeneem.
Bertus Prins het met die prys vir die swaarste vis weggestap – ‘n rooistompneus van 4.15kg met Chris Fourie in die tweede posisie – ook ‘n rooistomp van 3.75kg. Johan Burmeister het die swaarste sak ingeweeg, met Bertus Prins in die tweede plek.
Die span op die boot Nu-Nu met Johan Burmeister as skipper, was die manne wat die swaarste gemiddeld ingeweeg het. Die span van Releks met Jean Downing as skipper was in die tweede plek. JP Uys was die Junior Swaarste Sak-wenner.
Louis van der Fyver van Worcester is as nuwe lid ingewei en ‘n konstitusie is aan hom oorhandig. Philip Fourie en Jean Downing het die Foefie-beker gedeel. Philip omdat hy heeltemal onnodig sy hele visgereiboks vervang het en Jean omdat hy as veiligheidsbeampte almal uittrap omdat hulle hom nooit bel nie – en toe is sy foon af toe almal hom bel!
Die aand is gesellig afgesluit met vis en skyfies en ‘n propvol dansvloer.
